食

初五

在碧翠屋企打邊爐，呢一班人可能就是我的身家。

親自整左d野食.全部都失敗!!!完全同我想像中有出入，不過算啦,大家都好包容，我諗佢地唔會介意。
等我再苦練下先。

不過d食物唔知有冇人覺得貴，再加上我只係負責湯底同餐前小食:
牛腩幸好是雪藏的$38，
蘿蔔兩斤16，豬肉$54 餃皮15 冬瓜8 蕃茄8 (大約啦)...

就咁就百幾蚊。如果我走去買新鮮既牛腩就會更貴，還好初五未開(還是己經關門?)

原本諗住整第二d野食，不過諗諗下所需物料太貴，打消左念頭。我諗其中令我會努力d做野的動力，就係要食好少少既野。

我唔係要求好高，但我真係覺得而家好難食到平靚正既好野，以前細個住土瓜灣，d後巷炒既野好好食，而家都唔知係邊揾..或者係自己唔識揾，可能呢類舖子還存在。

例如昨天我去開表弟屋企，係大角咀見到幾個泰妹定印妹開既舖子做的粥粉小炒，試左粥都好ok，見佢炒d野真的好有火喉，下次一定要試，就真的又平又好食，呢d野真係舊區先有。