軼事

如果有一日我上左頭條話我犯了盜竊罪，請大家相信我，我一定係無心既。

點解咁講?話說當時我二十出頭，夜媽媽(超過十二點)拿著一百蚊紙落7仔買鍊奶，阿哥係七仔門口食煙等我(好似)，我入去望左一輪，攞起罐鍊奶然後又望左一輪野，我既動作係用張一百蚊紙包住罐鍊奶...然後就斯斯然咁陪哥哥行一段路仔，佢應該係要出去。我行行下，諗諗下，點解張一百蚊咁完整?我先發覺原來我未俾錢，我其怪點解個職員唔截住我。當然我二話不說回去付款，走到收銀機前，我話，我唔記得俾錢(仲懶風趣咁講笑)哈哈，點解你唔截住我?個店員黑住面咁收我錢，對於我既說話沒有回應半句，可能佢覺得我玩野。

我當時都未想起，後來有一次去許留山食野又係唔俾錢走左去，好在紫係後面嗌住我，當時我又講返呢段往事佢知，佢話甘樣就足夠報警拉你...我諗諗下，噫係喎，你話唔記得，真係揾鬼信。

我間唔中都諗起呢d往事，覺得幾好笑，但我都擔心會重蹈覆轍，因為發夢係我既專利!到時真係水洗都唔清，係到備一備案，全世界唔信我唔緊要，希望我既朋友會信我。